完結了像說明書一樣悶的活動介紹部份，到這個以輕鬆帶吐糟的自問先答形式去寫我的Speed Dating活動經驗分享，一些坊間對Speed Dating 的問題以及一些對想參加或已參加的人的建議。
Q:AC你參加Speed Dating 類似活動有多少年了？
A:參加了差不多四年了
Q: 參加過多少次?
A: 十幾次，唔同類型都去過
Q: 大概幾耐會去參加一次呢?
A: 久的時候可以半年一次，密的時候一個月去兩次都試過，視乎該期心情同活動類型，無話要幾耐就要去一次甘。
Q:何謂之因為活動類型而去呢？
A:有時見到一D 特別如BBQ 或Bubble Football呢類需要多朋友參加先可以去玩的食的就去報。有期突然想玩Speed Dating，睇下間公司未報過想去試下點間公司點就會去。
Q: 有無報開邊間公司或者覺得邊間公司特別好？
A: 因為有一段時間無報過其他公司，本身亦有相熟公司，不太清楚其他公司有沒有什麼變化之類所以沒法進行推介。
Q:你參加過既Speed Dating 活動類型有邊d？
A: 基本上坊間一般的Speed Dating 活動都參加過，包括傳統的轉轉轉Speed Dating，Table for X，酒吧或私人埸所活動及特殊主題活動等。
Q:甘你喜歡參加既Speed Dating活動類型係邊種活動？
A: 我喜歡參Table For X，因為可以輕輕鬆鬆同人傾下計食下飯，聽下其他人既故仔，又岩我呢ｄ好多野講既人。唔駛好似傳統Speed Dating 轉轉轉，轉到最後今晚參加既人既野唔記得，而且每轉一次就要搬一次杯水好麻煩。
Q: 你參加甘多次Speed Dating 活動有無深刻既經驗？
A: 記得第一次參加Table for X時候，坐係我對面其中一個女仔係很久沒見過的中學同學，中途沒相認，係完場時候先相認。係活動完結後就FB 被Unfriend。
Q: 點解會被Unfriend既？
A: 佢那段時期好似是有拍拖，可能唔想我透露佢有去呢類活動所以Unfriend（笑）。
Q: 除左呢次特別經驗外，仲有無其他深刻經驗？
A: 試過玩Party Game 活動，完左活動後大家去飲野再來晚餐一齊落。有人之後組織左一次Gathering 大家食飯傾計。
Q: 講完深刻既經驗，甘有無試過去一個活動去到你好火，覺得個活動好差？
A: 試過一次聖誕節係樓上酒吧搞既活動，個主持人除左開始時候叫大家簡介幾句就完了，完全沒什控制個活動，又無一ｄ有聖誕節氣氛既野配合。參加者係中途就組隊走人去找餐廳食飯。搞活動搞到甘差都少見。
Q: 甘搞呢個活動的公司名係？
A: 執左，活動搞到甘差，當然難生存落去。
第一節就寫到呢到，請看官等下睇第二節內容
品味軒 