第二節
Q: 分享完你個人經驗，不如分享一下你對Speed Dating 類活動既睇法。坊間不少人會疑問找尋另一半點解要俾錢去呢類活動，去興趣班等有益活動好過。對自己有益，又可以認識到新朋友，話唔定仲搵到另一半。去完Speed Dating乜得著都無， 對Speed Dating 類活動抱持負面既睇法。
A: 去興趣班等有益活動找另一半不一定能成功。因為參加興趣班的人是抱持學東西的心態去報。就你在興趣班認識有興趣對象那個Moment，你可能對方心動，但對方可能在那一刻想拍拖的心思，或已有心儀的對象及已在拍拖中。
而就目的來說，理論上去Speed Dating 活動的人都是單身的(不計有伴還去找第3者的人)，都是想在當中找尋另一半。Speed Dating活動就提供了一個場所活動，令一堆想找另一半的人去認識另一個同樣在找另一半，從而發展關係。就以找另一半的目的結果來說會是比去有益活動相對有效率集中性。
Q: 有人去左好多次Speed Dating類活動，一個有可能發展的對象都認識唔到一個，覺得舉辦Speed Dating活動既公司呃錢。
A: Speed Dating公司只是提供一個場所令你有機會遇到有可能一齊的對象，不保證一定認識到有可能發展關係的對象，這個既看緣份也看個人同人溝通能力。
一個人去左好多次都一個都無發展機會，那請先從觀察改變自己做起，特別係本身係內向比較靜的人。每次去好多次Speed Dating 會唔會每次好難同人傾到計，傾到一半時候就是唔知點解好難同人傾落去，無話題，靜左。甘就需要從觀察了解自己的喜好，經歷去找出可以同人傾計的話題，畢竟傾計了解雙方係第一步，連計都傾唔到落去就別提其他。其次就問問朋友或事後活動主持人(限Table For X類活動)有邊方面有改善空善從而改善自己。
Q: 點樣去選擇參加既公司以及活動呢？
A: 首先就從選擇既公司講起。可以先從公司歷史，是不是一間有註冊的公司，主要舉辦的活動類型。因為呢行易入但難做關係，市面上舉辦Speed Dating活動有一定歷史的公司大約有八到九間。佢地每間都有佢地自己既特色和主力舉辦的活動類型，呢個可以從佢地公司網頁觀察得出來。
一般來說，活動流程每間公司的都大同小異，可能就是細微的位置有所不同而已，基本上都很穩定。其次，亦需要看主持人的能力能不能帶起活動氣氛。這點在大型活動同Table for X尤其重要，令大家投入活動起來。網上面有不少人會評哪間好或不好，不過有關這點就很難客觀地去說哪間最好或不好。重點是那種活動是不是適合自己，參加活動的人數和環境符不符合自己的期望。
此外，亦有新公司以比市價低很多的價錢舉辦活動試水，但因為沒什麼經驗關係，通常活動都搞得不太好或參加的人數比宣稱的少。
Q: 那符不符合自己的期望呢？
A: 為什麼參加的人會對個活動失望呢？見過不少參加者因為不太了解活動類型，流程，人數等等，是因為沒去了解該類活動的流程，以為是Speed Dating就一定識到人，求其報個名就去參加，結果因為某D原因所以就失望，覺得自己參加不好的活動。舉辦公司會有在公司網頁中介解流程，亦有人在網上分享自己的經驗。
Q: 雖然舉辦公司有介紹，亦見到網上有人分享相關經驗，但往往都唔夠詳細，仔細去清楚去講不同類型既分別。可唔可以簡單講一下各種活動的特色呢?
A: 首先就傳統的Speed Dating 活動講起。傳統既Speed Dating 的的特點是參加人數多，一定可以跟全場異性傾計，但會不斷轉台，所以跟每個異性傾計時間短，轉到最後係拿到對方聯絡資料既第２日已經唔記得左對方是邊個。因為人數多，往往同一個活動中的參加者年齡和質素差距十分之大。即使係有講明係年青人參加或成熟人士的Speed Dating。
其次就講Table for X. Table for X 的特點是參加人數少，最多只有10個人，可以跟參加者傾得比較耐。有些Table for X是有主持人一直坐著帶領著參加者聊天，控制場面。亦有一些是進行完自我簡介環節後就離席，直至活動結束宣布活動完結。聯絡方式就視乎每間公司做法，有最普通的給大家表格去填，自由交換聯絡方式以及完後開Whatapps 群組。就個人經驗黎講，參加Table for X 既參加者通常都有一定質素，不少都不錯 不論男定女。不過，萬一在場人士都唔點出聲，就算有主持人幫助都好，有可能悶足2個鐘，完全無收獲。
第3 就係酒吧或私人場所包酒精飲品既大型活動特點係參加人數好多，往往50人以至上100人既活動，通常會包1到2杯含酒精飲品。呢類活動就係開始ice breaking game 有d.之後會有speed dating環節。完左之後就自由聊天環節。呢類活動我覺得係同clubbing差唔多，只係呢類活動集中一班想搵另一半的人士去識異性朋友。如果係被動內向既男仔係絕對唔好報呢類活動，因為呢類活好d既女都會俾人圍住，你好難跟你有興趣既對象傾計。
Party Game 形式活動就得One and Only搞。人數大約16到20人，活動特點是以遊戲既形式邊玩邊傾去認識新朋友，唔似普通既Speed Dating或Table for X甘講好多野，完左之後主持人會開Whatsapp群組俾大家去搵番自己想傾計既人去傾計。參加者普遍年齡以年輕人為主，如果大家當場玩得開心，往往完左活動後再即場去找地方飲野傾計。不過因為活動中傾計既時間唔多，好難即場知道對有興趣既對象作深刻了解。而且唔少參加者係抱持去玩而唔係去識對象的心態去參加。
其他活動如Bubble Football ，效遊，BBQ等特殊主題活動就真係似去玩多過去相睇，亦會有情侶一齊報名參加呢類活。
Q: 你覺得邊類型既活動比較易識到異性呢？
A: 我覺得係Table for X 類既活動，因為有比較多既時間同在場參加者傾計，參加者雙方會對對方有比較深既印象，知道對方係一個點樣既人，而唔似傳統Speed Dating甘轉左十幾二十人後連對方係點都唔記得。從相熟的Speed Dating公司了解，經Table for X而成為情侶的比率亦係甘多種活動中最高。
Q: 參加Speed Dating 活動既參加者既年齡範圍有幾大？
A: 由19,20歲讀緊書到40多歲既都有。
Q: 有無話幾多歲以下或幾多歲以上唔係太建議參加？
A: 以我所知，男生25歲以下，女生34歲以上不太建議參加。前者就太後生以及經濟能力問題，而後者就因為年齡問題。有Speed Dating 公司會係1 對1 的Matching 服務中收比較高既價錢。
Q:見到有D活動寫話係年青男女或成熟人士專場，參加者係唔係都係主題所講那個年齡層的?
A: 我只有報過年青男女，而成熟人士的我無報過所以就只針對年青男女呢種。通常報年青男女既參加者既年齡都會比較後生，由大學到30歲頭甘。當然，亦有年紀比較大報細年齡參加。
有D公司同一晚會分別舉辦以年青人士為主題和成熟人士為主題的Speed Dating 活動。呢種同一晚舉辦2種主題活動會有機會只是主題不同，但實際2個活動是同一個活動來的，借主題收人而已。
Q: 有人話Speed Dating 活動好多媒在場，特別靚仔靚女或者見過同一參加者好幾次。甘你又點睇Speed Dating做媒呢個問題呢？
A: 我既睇法如果0個位參加者係參加活動既感情狀態係單身，即使係間公司安排，甘唔係媒，因為你有識佢，追求佢既機會。反之間公司安排做媒既人士係拍緊拖或結左婚甘就媒，因為都無可能一齊。畢竟Speed Dating公司都是開門做生意，在場多一個媒，佢地就少收一份既錢。亦不可能付錢給人在自己的活動做媒，又不是Clubbing，要引人不斷地參加佢地活動.
Speed Dating公司係要有人係自己活動中搵到另一半，之後同其他單身朋友講話係XXX Speed Dating 公司活動有用，係入面搵到另一半，朋友推介朋友去令更加多的人參加自己公司，而唔係自斷財路，令參加者少左一個認識另一半既機會。
當然，不排除會有公司係舉辦大型人數多的活動時候因為為不夠人數，而亂拜托朋友拉自己的親朋戚友出現，但呢個機會好少。
自問自答既公司及活動篇就到呢到，之後會講參加呢類活動既注意事項，建議以及點樣同人打開話題等等
品味軒 